hanki kikiiɗe caggal tiisubaar,Sagateeɓe 25 Feebiriyee njiɗiino fawñaade boowal Bolokaaji,gonngal bannge fuɗnaange rewo,jehre Kapitaal,ɗoo e Nuwaasoot,ngam hollirde ɗaɓɓaale e ngoƴaaji mumen,kam e yiyannde mumen e nguurndam,kam e dawrugol ɗowngu ngenndi ndi,kono ɗum laataaki sabu ɓe tawi ko Polis ene hanndorii boowal ngal Otooji mum e garanaatuuji tookaaɗi,kam e ɓooli ɓutti…jahannooɗo yaakaare toon oo wiy:ndeen ɓe njiɗii naatde boowal ngal,ko ɗoon Polis sorti cabbi faliiɓe,soori e maɓɓe garanaatuuji,ɓe coortii e Polis kaaƴe,punndi ruuki,cuurki molli hakkunde maɓɓe,gaañiiɓe e kaaƴe,ɗojjooɓe ene isla,fekkorne e bone gaasuuji Polis,cariima baŋ yoo baŋ! Polis ene hiwa eɓe maapoo,ngam yiɗde naatde boowal ngal,kaaƴe ene toɓa,garanaatuuji ene petta,gaañiiɓe ene njooroo,hay yahatnooɓe,wirtinooɓe kisaani bone gaasuuji e kaaƴe maɓɓe!.

Hanki, 9 maaris 2011, laamɗo leydi Maruk, hono Muhammed VI, habrii ko himmi no feewi wonande leydi mum, so fellitde waylude Doosɗe leydi mum, mbayliigu kuuftodinngu. Fayndaare nguun mbayliigu ko ɓeydude mbaawka gardiiɗo hilifaaɓe (premier ministre) kam e heertooji dawrugol (partiiji politik). Goomu toɗɗaama ngam sakkitde miijo ɗoo e lewru suwee.

Fedde Dental Leyɗeele (ONU) weddiima eeraango mawngo fayde e hohooɓe winndere ngam ɗaɓɓude ballal fayde e ujunneeje neɗɗo wonnooɓe e Libi, yiɗɓe hannde dogde hareeji hakkunde wonndiiɓe Khadafi e haɓdiiɓe mum. Gila filñitaare ndee fuɗɗii e Libi, heewɓe e gollotonooɓe e leydi ndii puɗɗiima faayde kisal mum'en haa teeŋti e arani'en ɓe leyɗeele mum'en ngalaa doole ngam yuɓɓinde kootol mum'en jaajtingol. Farayse, Dowlaaji Dentuɗi, e yoga e leyɗeele Orop galɗuɗe ndognii ɓiyɓe leyɗeele mum'en gila dille ɗee puɗɗii e wuro Benghasii. Kono hannde doole e arani'en ɓee ko toobɓe hakkunde Tunisii e Libi etee kulol mawngol ena woodani hohooɓe ONU e kisal maɓɓe.

estiwaal guurtingol gure ɓooyɗe leydi Moritani fuɗiima wuro Singiti gila 16 ha 22 feewriye e hitaande 2011. Milioŋaaji 60 mbadaama heen e meere.

To bannge jeewte ngurdam wuro ngo, yewtiyankooɓe ɓe, kolliti ko Singiti wiyeteno ko ABIER e kadi sosa ko gila hitande 660 caggal fergo nelaaɗo Allah mo Hammad mo jam e kisal ngoni e mum o. Kono innde Singiti nde ko gila hitande 1262, e wiyde maɓɓe. Ceerno Sidi Abdoullah Ould El Haj Brahim, kanium, holliti ko juma o, maha ko gila e hitande 1440 caggal jibineede annabi Isa. Hol mahɗo juma ka ?

Bolokaaji Nuwaasoo,wonnoo ko koɗorɗe gollotooɓe Leydi Moritani,kono hannde ngal ñalli ko e dente e cente-cente Sagataaɓe 25 Feebiriyee,wiyɓe loppet lorɓet laamu Asiis,ɓee ɗoo sukaaɓe,sagataaɓe Fees book saasɓe e miijo mumen,ndentii ngmmbii,mbiy ko hollirooɓe salaare mumen e Laamu Seneraal men!.

Laawgu hannde waɗii hannde to Tuwaasoot, laamorgo Muritani hojomaaji seeɗa caggal juulal jumaa ngam wullitaade rafi golle, maccungaagu e coggu nguura ceerɗo. E ko yiyaa e mbeddaaji Nuwaasoot, ko teemedde sukaaɓe njalti e mbeddaaji ngam seppude; won heen ina ngulla “kooniŋkooɓe boowaal” wolla e safaroore “min njiɗi ko yoo laamu ngu yah”.