FILÑITO LAAMAAƁE: Muritani fuɗɗoriima sikkim sakkam caggal Libi e Yemen |
![]() E ko teskaa kadi e seppo ngo, lanndaaji wolla njuɓɓudi ndi wonaa renndo ngoo e nder muumal alaa heen. Sukaaɓe ɓee nanaama ina ngulla nde laamu Abdel Asiis jippotoo. Polis haa heewi tawtoraama seppo ngoo kono ɓe kaɗaani seppo ngoo hay huunde.
Hirjino seppo ngoo fuɗɗii e haala gooto e ardiiɓe ɗum hono S. O. D ko to Facebook kañum e tweeter e innde “dillere 25 Febriyee” (movement du 25 Fevrier). E haala makko kadi seppo ngoo maa jokku haa nde laamu nguu wayli sawru mbaggu wolla nde jippii e jappeere fof. E siftin’de seppooji puɗɗiima e nder leydi Muritani he maa won jooni yontere to Fasala ngam woytaade nguurndam caɗtuɗam e nder leydi he. Laamu nguu noon dartinooma seppooɓe ɓe kono hannde laamu dartaaki. Yimɓe heewɓe ina mbiya ko ɗum buleet e nder leydi Muritani sabu ina famɗi ɗo seppo luutndiingo laamu yehi yahdaani e mone. Yimɓe ina cikki laamu nguu woni ko e reentaade hono ko kewi e leyɗeele Libi ko. Binndol Umaar Tokosel Bah, Lewlewal Group Networks, www.mbiimi.com Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men. |
Dimanche, 27 Février 2011 00:22 |