Sooynaaɓe ko ñawu kulɓiniingu, ɓooyngu no feewi. E ngu raaɓa no feewi, e ngu wara. Ñawu nguu ummotoo ko e buubi walla ɓowɗi. Hol no buubi ngaddirta ngu ? Ñawu nguu ardirta ko hono nii : Maandinoore adannde (Maale gadane) : So tawii neɗɗo gonduɗo e sooynaaɓe yaltoyii e nokku mo hidaaki, mbuubu juuroo e jaalte (goppe) ñawɗo sooynaaɓe oo. So mbuubu nguu diwii, ngu juuroo e goɗɗo celluɗo, ngu totta oon ñawu nguu, wona oon raaɓaama.

Falastiinnaaɓe no ndiidorinoo, e semmbinɓe ɗum'en e horsinɓe ɗum'en kuccitti hannde ko to jooɗorde Dental leyɗeele UN to Niw York! Hol ko woni mujiibe dille nanaaɗe toon ɗee balɗe kala hakkunde yiɗɓe e añɓe Falastiin? Ko mawɗo leydi ndii hono Mahmuud Abbaas fellitii yettinde DL (UN) ɗaɓɓugol dowla Falasteen wontude dowla 194ɓo fedde adunaŋkoore ndee. Falastiin haaɓii wonde leydi calanaandi huunde kala ko leyɗeele goɗɗe ɗee njaɓanaa: jogaade leydi mum'en ndimɗundi kala njiimaande Israel, wontude dowla keftinaaɗo e nder dowlaaji. Ndee-ɗoo yontere ko yontere tiiɗnde e dawrugol fuɗnaange-ɓasiiɗo haa teeŋti e Falastiin. Kono Israelnaaɓe mbiyi tan ko "wonataa" eɓe njaɓa Falastiin ena wonta dowla!

Aset hoore-biir wulii jaw e nder Kayhayɗi,hakkunde polis e Yuɓɓo ( HOL TO MEM NGENNDIKAAGU AM )”caggal nde yuɓɓo ngo fiɓi waɗde seppo jamyamo ñalnde aset ndee,ndeen ɓe njaltii e boli Kayhaɗi,ko ɗoon polis falii ɓe ene yooɓii garanaatuuji e innde ko reenooɓe kisal wuro e yimɓe,kono haaɗaani reende tan,sabu polis faddaade ɓe,tagii yoga e maɓɓe dartondirde e polis,leelaani garanaaduuji ceŋtaa,piyanɗe ɗojji,ɗoon e darnde Polis hoccaani heen ko laaɓi,sabu sukaaɓe HOL TO MEM

Binta Sih joogii e nguurndam mum tan ko duuɓi 9Ko o ɓiy Siidi  Sih jeyaaɗo to Siñcu Boumag e nder diiwaan Gorgol,sara Kayhayɗi Moritani. Yuma mum cukalel ngel wi’atee ko Huley Njaay. Gila hitaande 2007, ɓe ngoni ko e safaara maggel kono hay hunde gasaani tawo.

Sifaa no binnditagol yimɓe ngam keɓgol kaayitaaji keɓtinirɗi tuugiiɗi e ɓetonguurki (biométrie) waɗirtee nii, ina faayni mi. Ina saɗi e men jogorɗo daɗde e tame sarɗiiji lelnaaɗi ngam seerndude Muritaninaaɓe e lasli e ndoomndoomki leƴƴi tumarankooji.

“Mbele waɗooɓe seppooji caggal leydi ɓe ngam hollitde wonnde binnditaagol ngol moƴƴaani ko moritaninaɓe?”e wiyde hooreejo leydi Moritani.
Yimɓe ene cabbino e Mohammed Wull Abdel Asiis, hooreejo leydi ndii, e binnditaagol ngol no feewi haŋki aljumaa 5 aout e hitannde 2011 sanŋga nde o mawninta duuɓi ɗiɗi ko ari e jappere lamu. Gila binnditaagol ngol fuɗɗi haalaaji bonnɗi kalaama heen.Ene wiy wonnde safalɓe ko yiɗɓe ustude ɓaleeɓe Moritani e ko nanndi heen. Ɗum waɗi lanndaaji e pelle keeriide keewɗe mbiy ko yo binnditaagol ngol dartine.