AJD/MR Lannda ka Ibraahiima Moktaar Saar ardii ka,ka tawtoyii dental lanndaaji cawndiidi Abdul Asiis e laamu mum ! Tawtoygol AJD/MR Lanndaaji Catiiɗi ɗowngu Abdul Asiis,heewɓe mbiy bettaani,wiyaa wiyaa ene heewi heen. Ko selli koo tan,ko Ibra yehii,tawtoyii sete Asiis,kono e hol mbaydi ?

Caggal diisno juutngo,lannda ka waawii jokkondirde e dental ɗiin lanndaaji,haa ɓe piɓondiri e toɓɓe,ɗeen toɓɓe woni ko nawi Saare e wondiiɓe mum,ne jeyaa e ɗeen toɓɓe jeeɗiɗi ɗe ɓe nanondiri :

1-Peccugol laamu e ɓesngu Leydi ndii,tawa ko e nuunɗal.

2-Tabitingol jey leydi e joommum en.

3-Naatnude Ɗemɗe : Pulaar,Sooninke e Wolof e tippudi jangde duɗe laamu (wuurtinde Duɗal Ɗemde Ngenndi)

4-Rokkude kala jom hakke e heɓde kaayitaaji, rokkee haa timmuɗi.

5-Naattin’de taƴtinanooɓe e nguurndam ɓiyɓe leydi ndii, keɓa hakkeeji e jeyiiji mum en…

6-Warnooɓe ɓee, yoo ngannde naawoore waɗee,hakke jom ƴiiƴam en yoɓee,no fotiri.

7-Salaade bonannde e bonnude jawdi laamu (wujjude jawdi laamu,tan ene huutoroo kam tan gooto).

Ɗee toɓɓe njerƴi Saarel e waraango! Yanti e dental bempeƴƴe laamu Asiis.

Ibra wiy: ko ɗum woni toɓɓe min nanondiri, ene waɗee, so ɓe njaɓii siynude ɗe moƴƴii, min mbaɗlondira e golle, no Moritani wuurdi e goonga,mbele ndeeƴen,kisen! so ɓe mbaɗaani ɗum, ko koyngal tan min naatni,yahtirde caggal ene weeɓi,sabu e min nganndi ɗo min umminoo!. Abdul Kelli www.yaakaare.com