| Yimɓe ɗiɗo waɗɗike pucel-njamndi (weloo) gila Sawt Afrika haa Makka fii hajjoygol |
 ggaama e ndee jaaynde Sa’uudiyankoore inneteende Al-watan wondema hajjunkeeɓe ɗiɗo yahrii Makka hikka pucel-njamndiji fii tottugol farilla hajju, ɓe holli wondema ɓee ɗoo hajjunkeeɓe ko Sawt Afrika woni to ɓe iwri, ɓe waɗii ko yahata kiloo ujunaaje sappo e laawol ado ɓe hewtoyde.
Jaaynde nden holli kadi fahin wondema ɓe waɗii ko yahata lebbi jeenay ka laawol, en nder hen, ɓe juurii lyɗe 12. Kamɓe ɓee hajjunkeeɓe, ɓe hollii wondema ɓe waɗirii ɗee golle fii anndugol no mawɓe adinooɓe waɗiraynoo fii tottugol nguu hajju, foti non ko ɓe seppooɓe, maa ko ɓe waɗɗiiɓe. Ɓe holli fahin kadi wonde ɓe gollirii e nduu yahdu maɓɓe ɗii pucel-njamndiji huutorteeɗi ka dogudu fii adondiral, tawi hiɓe fokkitira bimmbi ɓaawo subaka haa ka ƴellital naange, ɓe fowtoo haa bimmbi mum kadi, ko non ɓe waɗiri haa ɓe hewtoyi. Ɓe holli wondema ko nii ɓe naatiri Makka e ɗii mbaɗɗateeriiji maɓɓe haa ɓe ƴawroƴi ɗi fello Arafa. Ɓee haajjunkeeɓe wonaa resuɓe, gooto on ko janngoowo faggudu, oya non ko golloowo. Yo Alla jaɓan ɓe hajju maɓɓe, waɗana ɓe ngu ka mandake maɓɓe moƴƴe, o newnana tottugol ngal tugalal (doosgal) wonande kala juulɗo. On njaaraama. Kɗl: Tafsiir Duntu Balde / Cette adresse email est protégée contre les robots des spammeurs, vous devez activer Javascript pour la voir. |
| Lundi, 07 Février 2011 10:53 |
Multimédia
Rechercher
Essirage sur Facebook
