MURITANI: Senegaal-naajo biyeteeɗo Seek Siidi Ndooy wartiima |
Ko sunaare mawnde ummorii Senegaal-naaɓe to leydi Muritani. Hono suka gooto nootirtooɗo e innde Seek Siidi Ndooy, ɓiyi mum gooto e sirlidiiɓe ammbasadoor Senegaal gonɗo to Muritani wartiima. Wiyaama ko yiɗde mo makko yahde Amerik, wiyaama kadi ko o dañaani seedamfaagu makko e bakkaloriyaa.
E ñalawma hannde oo ko sunaare mawnde dooki e nder leydi Senegaal, haa teeŋti to ammbasadoor maɓɓe gonɗo too e leydi Muritani. Sabu hono Seek Siidi Ndooy, ɓiyi um gooto e sirlidiiɓe ammbasadoor oo yiɗnoo ko yahde to dowlaaji dentuɗi Amerik. Kaŋko suka oo o yahratanoo ko e duuɓi 22. “Law min ndogi ndeen min noddaama won bartiiɗo too e ndingiral stade olympique mo Nuwaasot. Ko nde min ngari, min tawi ko suka oo ina waɗi hoore mum yarga. O haɓɓu ɓoggol e daande mum; tawii o maayi haŋkadi”, e haala gooto e tawaaɓe.
Nde polis Muritani ari, ɓe ndañaani caɗeele anndunde holi oo. Sabu ko e nder jeyba makko tawaa o mo winndi heen ɓataake, o mo winndi heen innde baaba makko. E ko o winndi heen suka oo yiɗnoo ko totteede biyee ina yaha to dowlaaji dentuɗi Amerik ngam jokkoyde toon jaŋde makko. Goɗɗum kadi ɓeydaama heen ! E tuugnaade e lowe e jaayndeeji leydi Muritani wiyaama kadi addi ɗum ko mette suka oo, ko dañaani seedamfaadu mum e kawgel Bakkaloriyaa. Ko woni heen kala Seek Siidi Ndooy wartiima. O haaɗni ɗoo nguurndam makko ! |
Mardi, 01 Février 2011 07:16 |